កីឡា និងល្បែងនាំអោយមានសុខភាពល្អ #ចម្រៀងបឋមសិក្សា

១.  យើងជាកុមារា និងកុមារី ទម្លាប់រាល់ថ្ងៃក្រោកពីព្រឹក ហាត់ពត់

ខ្លួនប្រាណកុំឱ្យស្ពឹក យើងត្រូវតែគិតទាន់នៅក្មេង ។

២. យើងហាត់ប្រាណពិតតែត្រឹមត្រូវ មិនឡូឡារំខានអ្នកដទៃ ហាត់ប្រាណលាយល្បែងដ៏ប្រពៃ នឹងគិតលក់លៃឱ្យសមសួន ។

 បន្ទរ -  ល្បែងមានច្រើនណាស់ឥតគណនា ហើយលេងមានគ្នាពិតជាសប្បាយ  បាល់ទាត់បាល់ទះលេងគ្មានណាយ រីករាយគ្រប់កាយយើងជាមិត្តភក្តិ ។  

ល្បែងរត់ប្រណាំងលោតអន្ទាក់ មានល្បែងទាយលក្ខ និងល្បែងផ្សងព្រេង   គឺយើងហាត់ប្រាណផ្សំនឹងលេង ហើយជាល្បែងយើងជួយទ្រទ្រង់ ។

៣.  យើងបានសប្បាយនិងសុខភាព ជីវិតហាក់ប្រៀបកើតជាថ្មី សុខភាពផ្តល់នូវផ្លូវរស្មី កុមារាកុមារីត្រូវចង់ចាំ ។ (ច្រៀងឡើងវិញ)